مفضلاتي للفاشن الفتره الاخيره ..

صباح الخير =)

لو تعرفون قد ايش اشتقت للمدونه و التدوين =(

مابطول بهالسالفه لاني مابخلص بس والله اشتقت للتدوين بشكل ..

الفتره الاخيره صايره اناظر با بايو المدونات القاهم كاتبين beauty and fashion blogger ارجع اناظر محتوى مدونتها ما لقى فيها اي شي يخص الفاشن دام انك عارفه

ان الفاشن مو شغف لك و لا يشكل شي من اهتمامك فا ليش كاتبه عكس ذلك بالبايو !!

و لا مجرد انك شفتي الباقي كاتب كذا و كتبتي زيهم يعني للاسف ( مع الخيل ياشقراء)

 ع العموم خلونا منهم =( ..

بما ان الفاشن يشكل شي كبير من اهتمامي حبيت اني اشاركم فيه =)

زي مانتو شايفين باتكلم لكم عن مفضلاتي الاخيره في الاكسسورات بس حابه انبه عن نقطه 

الاكسسورات تقليد و كاتبه لكم مكانها الاصلي عشان ! تعرفون من اي ماركه و بعدها لكم خيار تاخذون اصلي او تقليد و التقليد باكل مكان  و حتى الاسعار كتبت الحقيقه عشان تعرفون لو كنتو حابين و اما التقليد ماتكثر عن 200 ريال م..

   أسواره كارتير ..

صوره اوضح ..

للامانه و ماكنت متقبله شكلها بالبدايه بس مع الوقت و التنسيقات

 الي شفتها لها حسيت انها مقبوله و حلوه و زي مانتو شايفين صارت 

من مفضلاتي و عندي اللونين الذهبي و الروز بس حابه الروز

اكثر قاعد يعطيني اللون البرونز وكاني مسويه تان =)

سعرها يختلف على حسب حجمها الخ بس يبداء من 4000 الى 140 الف !

اسوارتين وحده من لوي فيتون و وحده مو ماركه ..

صوره اوضح ..

حقت ال في ماحسيت انها الجوده حقتها كويسه =(

بس احب اللبسها مع اللبس الكاجول يطلع شكلها غريب حلو =)

سعرها للاسف ماعرفه 

الثانيه جدا لها قيمه معنويه لكن للاسف مالبسها لانها غير مريحه

و كل شوي تنفك احب تفاصيلها تذكرين باحقت كاتير !!

سعرها ماتذكره والله 

خاتم من فان كليف..

عاد انا اعشق اعشق فان كليف 

واكثر شي احبه عندهم الاساور و السلاسل فكرت مره اني اجرب الخواتم

طلع شكلهم جدا جدا انيق و ذرب =)

 

..

تقريبا الى هينا انتهينا اليوم يارب تكون اعجبتكم و استفدتو 

لا تنسون تعطوني رايكم بالتدوينات الي زي كذا و هل حابينها !

اشوفكم على خير =)

 

 

 

يوم الدلال الذاتي ..

صباح الخير و النشاط =)

التدوينه اليوم مجرد استعاده نشاط  قد انطفى بعد ما طار حسابي 

تدرون وش الي زاد علي اكثر ان الي ناس الي فا محيطي مو مقدرين هالشي و شايفينه 

تافه ومو مهم و ماخذين  الموضوع اوك حساب وطار! تسوين غيره 

با اختصار مو فاهمين ليش انا زعلانه ع الحساب لان بداله اقدر اسوي 100 حساب و اصلا مو من كثر 

التفاعل بس شي معنوي انكسر داخلي ذكريات حلوه كانت فيه صدقوني شعور البدايه من جديد و الرجعه 

شعور صعب غالبا و جري لكن لعل وعسى ان به خيره لي =)

..

يوم البيوتي دي هو اليوم الي تعتني فيه بنفسك من كل النواحي عنايه مكثفه

و يكون مره كل اسبوع =)

الحين با اشارككم خطواتي بشكل مفصل من كل ناحيه 

 

 العنايه بالبشره

 ببداء بالتعداد انا اش اسوي ببشرتي تقريبا بشكل اسبوعي

1. قشرت وجهي مقشر طبيعي الي هو شوفان + شاي اخضر + زبادي + عسل ( اختياري ) 
2. خليت الماسك ١٠ دقايق و غسلته بغسول نوكس 
3. تونر للوجه انا استخدمت مويا الورد 
4. رطبت وجهي عاد حسب بشرتي فترتها دهنيه او شديده الدهون و احيان تكون جافه 

 نجي عند الخطوه الثانيه !

تقشير  الشفايف اكتفيتت اني اقشرهم با سكر وعسل

بعدما ما قشرتهم زين رطبتهم بمرطب ثقيل مثل زيت فتامين اي 

فقره الشعر مو حيل متعبه بالعكس مريحه وسريعه وعشان كذا 

انا اكتفيت بزيت جدايل للتطويل مع مساج

نجي عند اخر و اجمل فقره 

الشاااااااااور ^

  

خففت منتجات الشاور قد الامكان وحاولت ما اخذ الى الاساس كذا المزاج =(

غسلت شعري با شامبو وبلسم من ولا

 ما بتكلم عنهم لاني ناويه اكتب رفيو مفصل عنهم 

غسلت جسمي با اكثر شاور جل احبب ريحته بشكل 

 من سوب اند قلوري 

و الى الفرشه الي المفروض هي تكون للوجه بس حبيتها للجسم بمراااحل تهبل مره

و تنظف تمام  التمام

 فقره تقشير الجسم 

 طريقتي موجوده بحسابي القديم بالتفصيل ..

تقريبا اهم فقره الي هي نظافه المنطقه الحساسه 

استخدم نفس غسولي الي بالصوره للاسف دوبي مسخدمته ماقدر اعطيكم رائي 

اخر فقره و اجمل فقررره الي هي بعد الشاور لطخي بالكريمات الى ان تقولي بس !

حطيت كريم دلال و بعدها عطر من باث اند بودي و ديودرنت و عطر ديور 

 و بس =))))))))))))

كان نفسي احطت لكم بعد عنايه اليين والقدمين بس ما كان ودي اطولها زياده خلقه البوست شطوله

اتمنى يكون اعجبكم 

..

كيف استمتع بحياتي ! ..

 

صباح / مساء الدلال 

 الله يجعلها بدايه خير لي يارب و لنا كلنا حابه ارحب با اهلي و عزوتي و ربعي .. 

اتوقع الكل يعرف انه ثاني بلوق لي

وذا ثالث بوست اكتبه و عجزت لا اقتنع و كل ما كتبت بوست حذفته لكن من غير شر 
هالموضوع نازل نازل =) 

الكلام الي بقوله و طرق الاستمتاع بالحياه ما جبتها عبث اخذتها من كتب و دراست و اكيد طبقتها على نفسي

بعد اعرض تجربتي و هاذي طريقتي بكل بوستاتي و لاني مثاليه و لا ابي اكون من الاساس 
زي ماقلت لكُم مجرد  خطوات بسيطه اتخذتها =)

 ..
# القناعه .. كنز

كانت عندنا استاذه الله يذكرها بالحير تدرسني بالمتوسط وشفتها قبل فتره و جاء على بالي هالموقف و قلت احكيه لكم

كانت تقولي يابنتي انا كل الي معي و مجتمعي منتفتح و كلهم يدخنون و يعسلون و يطلبون منها تجرب 

بس ترفض ليش طيب هي تقدر و ماحد يقدر يقولها لا تقولي هذا قناعتي عظيمه جداً

و من بعد هالموقف زاد كبرها بعيني اكثر و اكثر 

الله يسعدها =)

 يعني مثلا كل الي معك كاشفين الى انتِ من المعقول تروحين تكشفين وجهك عشانهم! طبيعي لا 

كلما كانت الشخصيه اقوى والثبات على المبدئ اشد كان اهم في الحياه 

اكيد و اضمن لك انك بتلقين نقد ! و بتتهمين كثير بعدم المرونه بس صدقيني و خذيها مني في داخلهم 

الي هو داخل الاشخاص الي ينتقدونك هذولا 

يؤمنون ايمان تام انهم قدام انسانه بطله كانت قدمها كل هالمغريات و ما سوته هالحركه بحد ذاتها شجاعه 

قال رسول الله صل الله عليه وسلم

( من طلب رضاء الناس بسخط الله سخط الله عليه و اسخط عليه الناس و من طلب رضاء الله بسخط الناس رضي الله عنه وارضاء الناس عنه ) 

تستحق التأمل 

#هندامك

 

لا احد يضحك عليك يقول مظهرك مو مهم و انتي بعد لا تضحكين على نفسك !

في دراسه تقول اول نظره الاولى تكون 95% عنك من لبسك الى ان تتكلمين ساعتها تنقص او تزيد

اشوف هالدراسه صحيحه مليون بالميه غريب حال البعض !!!!!

في مجتمعنا ياكثر مانشوف وجيه تسد النفس و تكسر الخاطر مثل الي تجيك بالمول عشانها منقبه و ماحد بيعرفها تجي حتى

 وجهها ما غسلته ! و الغسق حول عيونها و المنظر مقرف و نفس المنظر نشوفهابالجامعات و المدارس 

و الدوامات اذكر وحده كانت تقول اروح الجامعه ببجامه و تسوي رياضتها ببجامه !!

يارب لهدرجه العجز و الكسل ليه طيب وش نقص منك ل لبستي و اهتميتي شوي ترا والله الموضوع مو مكلف ابد

مجرد انك تغسلين وجهك و مرطب لوجهك وشفايفك و تفرشين اسنانك بس! 

مدري ليه البعض مكبرين الموضوع بزياده ! ترا سهل 

قال رسول الله صل الله عليه وسلم 

( من انعم الله عليه مالا فان الله يحب ان يرى اثر نعمته على عبده )

# ارضاء نفسك غايه .. ادركها

ركب جحا مره على حماره و ولده يمشي جنبه و مرو بجماعه ..فقالو شوفو الولد العاق  يركب على الحمار
 و يترك ابوه يمشي ..
قام جحا سمعهم نزل ولده و ركب هو 
مرو بجماعه ثانيه مرو بقوم اخرين قالو شوفوهالاب الغليظ يركب و يخلي ولده فالشمس ..
فا وقف الحمار و راح جحا ركب ولده معه 
مرو  بجماعه ثالثه فقالو شوفو الغلظين يركبون على حمار واحد مافيهم رحمه ..
فا نزل جحا مع ولد و خلو الحمار فاضي و مشوه معهم
ف مرو بجماعه اخرى قعدو يضحكون عليهم معهم حمار و يمشون ..
للاسف القصه هاذي تمثل واقع و مجتمع ايضاء ..
ياحيبه القلب نصيحه مني لك سوي الي تسوينه دام انك مقتنعه في الكلام بايجي وراك وراك مهما صار 
مين الي بينجو مين ! ماحد مستحيل اساسا هههههههههههههه 
رضاء الناس ليست غايه ورضاءك عن نفسك غايه ادركيها زيننننن زينننننننننن زينننننننننن 
فهمتو ! جد مهتمه اني اتكلم في هالموضوع لان كثير تعبانين منه و انا كنت تعبانه منه
اقنعي نفسك بان الناس بتتكلم مهما سويتي  اقنعيها با رضاءك عن ذاتك تمام !
ان شاء الله من بعدها رح تخف هالمشكله لين تروح و حاولي لا تضغطين على نفسك كثير لان كل شي
يحتاج وقت حتى انتي عشان تقتنعين تحتاجين قت ..

  ختاما..

شكرا للقراءه اتمنى من كل قلبي اعجبتكم التدوينه 
..
دمتم بحب